अकोला : रेल्वे स्टेशन मार्गावरील गुरुद्वारा गुरूसिंग सभा येथे पूज्य गुरूनानक देवजी यांची जयंती उत्साहात साजरी करण्यात आली. मुख्य उत्सवापूर्वी शहरात सात दिवस आधीपासून प्रभातफेरी काढण्यात येत होती. सहा तारखेपासून सुरू असलेल्या ४८ तासाच्या अखंड पाठाची समाप्ती मंगळवार, 8 नोव्हेंबर 2022 रोजी सकाळी १० वाजता झाली. त्यानंतर फतेहगढ साहेब येथील रागी मंजिदरसिंगजी यांचे कीर्तन झाले.
गुरू नानक जयंतीच्या दिवशी सायंकाळपर्यंत सुरू असलेल्या लंगरमध्ये सर्वधर्मियांनी प्रसादाचा लाभ घेतला. गुरुद्वारा परिसरात फुलमाला, आरती व आतंशबाजीने कार्यक्रमाची सांगता झाली. या उत्सवात मोठ्या संख्येने शीख, बंधु-भगिनी सहभागी झाले होते.
