वाशीम : वाशिम जिल्ह्यात प्रवासी वाहतूक करणारा ऑटो रिक्षा उलटल्याने झालेल्या अपघातात एक महिलेचा मृत्यू झाला, तर दहा प्रवासी गंभीर जखमी झालेत. रिसोड शहरात हा अपघात घडला.
रिसोड शहराजवळ एका ऑटो रिक्षातून १३ जण प्रवास करत होते. ऑटोपुढे अचानक रानडुक्कर आले. ऑटोची डुकराला धडक झाल्याने चालकाचे त्यावरील नियंत्रण सुटले व ऑटो रस्त्याच्या कडेला जाऊन उलटला. या अपघतात एक महिलेचा मृत्यू झाला. तीन मुलांसह दहा प्रवासी गंभीर जखमी झालेत. घटनेची माहिती मिळताच पोलिस व रुग्णवाहिका अपघातस्थळी दाखल झालेत. त्यांनी जखमींना तातडीने रिसोड शहरात असलेल्या ग्रामीण रुग्णालयात उपचारार्थ दाखल केले. डॉक्टरांनी जखमींपैकी महिलेला तपासणीनंतर मृत घोषित केले.
