Mumbai | मुंबई : गाजलेली गुन्हेगारी टीव्ही मालिका सीआयडीमधील सर्व पात्रं आपल्या अभिनय शैलीमुळे लोकप्रिय झाली. एसीपी प्रद्युमन, डॉ. साळुखे, इन्स्पेक्टर अभिजित, दया आणि थोडी विनोदी झलक असलेले फ्रेड्रिक उर्फ फ्रेडी ही पात्र प्रेक्षक विसरलेले नाहीत. मालिकेत इन्स्पेक्टर फ्रेड्रिकची भूमिका करणारे 57 वर्षीय कलाकार दिनेश फडणीस हे जीवन-मरणाशी झुंज देत आहेत. (CID TV Serial Inspector Frederick Actor Dinesh Fadnis Is Unwell Condition Is Critical At Mumbai)
दिनेश फडणीस यांची प्रकृती खालावल्यामुळे त्यांच्यावर मुंबईतील तुंगा रूग्णालयात उपचार सुरू आहेत. त्यांची प्रकृती नाजुक आहे. सीआयडी मालिकेतील सहकलाकार आणि चमूने इस्पितळात जात त्यांच्या प्रकृतीची विचारपूस केली. त्यांना व्हेंटिलेटरवर ठेवण्यात आले असल्याचे इन्स्पेक्टर दयाचे पात्र साकारलेल्या दयानंद शेट्टी यांनी सांगितले.
