Daryapur | दर्यापूर : दर्यापूर-अमरावती मार्गावर लखापूर फाट्याजवळ काँग्रेसचे आमदार बळवंत वानखडे यांच्या भरधाव कारने शुक्रवारी (ता. 22) उभ्या ट्रॅक्टर-ट्रालीला धडक दिली. मोहम्मद खालिद मोहम्मद अजमद (वय 63) यांचा यात जागीच मृत्यू झाला होता. मोठ्या भावाचा मृत्यू झाल्याची लहान भाऊ जाहेद मोहम्मद अमजद (वय 59) यांना मिळाली. दोन तासांच्या फरकाने हृदयविकाराच्या तीव्र धक्क्याने जावेद यांचाही मृत्यू झाला. (Younger Brother Of Accident Victim In MLA Balvant Wankhede Case Died Due to Heart Attack In Amravati District)
दोन्ही भावांवर एकाच वेळी शनिवारी (ता. 23) दुपारी अंत्यसंस्कार करण्यात आले. पोलिसांनी कार चालक अंकुश नागोराव डोंगरदिवे (वय 26, रा. लेहगाव (रेल्वे), ता. दर्यापूर) याला अटक केली. घटनेचा तपास सुरू असल्याचे दर्यापूर पोलिस स्टेशनचे ठाणेदार संतोष ताले यांनी सांगितले. टनेला कारणीभूत असलेली कार ताब्यात घेण्यात आली आहे.
दर्यापूर तालुक्यातील लखापूर फाट्याजवळ शेतात कापूस वेचणी झाल्यानंतर मुख्य रस्त्यालगत उभ्या असलेल्या ट्रॅक्टर-ट्रालीत मजूर कापसाचे गाठोडे ठेवत होते. च वेळी भरधाव आलेल्या आ. बळवंत वानखडे यांच्या भरधाव कारने (MH२७/ CQ2129) ट्रॅक्टर-ट्रॉलीला जोरदार धडक दिली. अपघातात शेतमालक तथा सेवा सहकारी सोसायटीचे अध्यक्ष मोहम्मद खालिद यांचा जागीच मृत्यू झाला होता. सहा शेतमजूर जखमी झाले होते.
