काठमांडू: काँग्रेस नेते राहुल गांधी पुन्हा चर्चेत आले आहेत. राहुल यांचा काठमांडू येथील नाईट क्लबमधील व्हिडीओ समोर आल्यानंतर भाजपाने राहुल गांधींना घेरले आहे.
भाजपाचे आयटी सेलचे प्रमुख अमित मालवीय यांनी राहुल गांधी यांचा व्हिडीओ ट्वीट केला आहे. यावेळी त्यांनी म्हटले आहे की, ‘मुंबईला वेठीस धरले जात असताना राहुल गांधी नाईट क्लबमध्ये होते. जेव्हा त्यांच्या पक्षात अनेक स्फोट होत आहेत, तेव्हा ते नाईट क्लबमध्ये आहेत. ते सुसंगत आहेत. आश्चर्याची बाब म्हणजे काँग्रेस पक्षाने बाहेरील व्यक्तीला अध्यक्षपद सोपवण्यास नकार दिला असतानाच त्यांच्या पंतप्रधानपदाच्या उमेदवाराला फटका बसत आहे’.
Rahul Gandhi was at a nightclub when Mumbai was under seize. He is at a nightclub at a time when his party is exploding. He is consistent.
Interestingly, soon after the Congress refused to outsource their presidency, hit jobs have begun on their Prime Ministerial candidate… pic.twitter.com/dW9t07YkzC
— Amit Malviya (@amitmalviya) May 3, 2022
नेपाळची राजधानी असणाऱ्या काठमांडूमध्ये हा नाईट क्लब आहे. हा तेथील प्रसिद्ध क्लब आहे. राहुल गांधी आपल्या पत्रकार मैत्रिणीच्या लग्नाला हजेरी लावण्यासाठी सोमवारी नेपाळमध्ये पोहोचले होते. भाजपा नेत्यांचे म्हणणं आहे की, हा त्यांचा खासगी दौरा आहे याबाबत काही म्हणणं नाही. पण राजस्थानच्या जोधपूरमध्ये हिंसा झालेली असताना, कायदा-सुव्यवस्था बिघडलेली असताना काँग्रेसच्या एका जबाबदार व्यक्तीला पार्टी करणे शोभते का?
केंद्रीय मंत्री किरेन रिजिजू यांनीदेखील राहुल गांधींचा व्हिडीओ ट्वीट करत निशाणा साधला आहे. ‘नियमित पार्ट्या, सुट्ट्या, खासगी विदेश दौरे हे आता देशाला काही नवे नाही. एक नागरिक या नात्याने हा मुद्दा नाही, पण एक खासदार, एका राष्ट्रीय पक्षाचे कायमस्वरुपी मालक जे नेहमी इतरांना उपदेश देत असतात’, असे ते म्हणाले.
